移至主內容

老母都信唔過

老母都信唔過

 

做製作,筆者經常都提住一個座右銘:

就係老母都信唔過!

呢句亦係我喺舊公司嘅製片度學到最有用嘅嘢。

 

呢句金句背後嘅意思係:

一般情況,你老母係唔會害你。

但只要你係做製作,就算一個唔會害你嘅人,

你都要對所做嘅嘢有所懷疑,

咁先咁易瀨嘢。

 

點解咁講?

好多時我哋同唔同嘅人合作,

一啲已經合作好多年慢慢培養咗默契;

有一啲好有名氣經驗豐富;

對住呢啲人我哋好容易鬆懈

覺得好多野大家都有共識或者對方自然會準備晒

而往往呢個時候係最危險嘅

 

筆者試過同一個製作同事互相誤會大家會帶 Product 到現場

結果係臨拍時先知道冇帶去現場;

又試過誤會 casting 同事會同演員練熟對白

結果埋位係完全唔熟;

瀨左咁多年嘢但仍然繼續瀨嘢!

所以要不斷用番呢句金句提醒自己

 

 

 

作者

拍廣告其實唔難